Slik går du fram når du planlegg
- Kompetansemål
Kva kompetansemål jobbar du ut frå? Læringsmål
Kva ved dette kompetansemålet skal eleven lære?
Formuler læringsmåla, bruk gjerne verba forstå, vite og kunne gjere. Det eleven skal forstå, står på eit vis høgst i hierarkiet. Tenk etter: Kva må eleven vite, og kva må eleven kunne gjere, for å forstå?Tips
Ei god øving kan vere å skrive «for å forstå» bak ordlyden i det kompetansemålet du tek utgangspunkt i. Eksempel: gjere greie for globale hav- og luftstraumar og forklare kva dei har å seie for klimaet – for å forstå samanhengen mellom landskapsformer, vêrsystem og forureiningar i havet.
- Evaluering og vurdering
Korleis skal elevane kunne få evaluert kunnskapar, ferdigheiter og læring undervegs i prosessen, og korleis skal dei kunne vurdere eiga læring heilt til slutt? Omgrep og gjeremål
Lag ei liste over sentrale omgrep og gjeremål det er naudsynleg for eleven å meistre.- Er det mogleg å teste om elevane meistrar desse?
- Kva er det viktigaste for eleven å kunne gjennomføre eller prove at han eller ho kan klare?
- Korleis skal provet skaffast fram og evaluerast?
Læringsaktivitetar
Kva læringsaktivitetar må eleven gjennom for å kunne skaffe fram prov på læring?- Kva treningsøvingar eller forsøk må gjennomførast?
- Kva arbeidsoppgåver eller arbeidsoppdrag må løysast?
- Kva må drøftast og diskuterast?
- Skal elevane samarbeide eller jobbe åleine?
- Innføring og rettleiing
Kva har eleven behov for av praktisk eller teoretisk innføring og rettleiing for å kunne utføre læringsaktivitetane? Kva kan visualiserast, kva må lyttast til, og kva må lesast? - Ta runden på nytt
Når du har notert ned dei tankane du har for alle dei fem punkta over, tek du ein runde til og strammar opp. Ofte vil omfanget ha blitt for stort. Avgrens omfanget og fokuser læringsmål.