Bruk av digitale presentasjonsverktøy hjelper deg med å sortere, organisere og formidle forståinga di for eit emne, ei problemstilling, samanhengar i og mellom fag og erfaringar frå læringsprosessen.

Nokre digitale presentasjonsverktøy gir verdifull visuell støtte i ein munnleg presentasjon, medan nokre verktøy gir deg moglegheit til å publisere ferdig omarbeidd innhald.

Lysbiletevisning er det presentasjonsverktøyet vi er best kjent med. Vanlegvis blir lysbileta viste fram på skjerm i klassen medan du/de har ei munnleg framføring. Ein lysbiletepresentasjon hjelper deg med å sortere eit innhald i ei lineær rekkjefølgje. Du får øving i å ha ein tydeleg start, halde på eit fokus undervegs og ha ei klar avslutning.

I tillegg til at lysbiletevisning gir deg øving i å systematisere og formidle ein bodskap, øver du deg i å samanlikne tale frå manus med visuell støtte frå lysbileta medan du kommuniserer med eit publikum.

Open office – last ned

Microsoft powerpoint

Presentasjonsverktøyet Google presentasjon

Det finst andre verktøy du kan bruke for å støtte ein munnleg presentasjon visuelt. Desse kan hjelpe deg med å vise fram samanhengar som ikkje nødvendigvis er lineære.

Prezi

Padlet

I nokre samanhengar skal du/de setje saman og levere innhald utan ein munnleg presentasjon. Her får de øving i å sortere og prioritere innhald, og dessutan ferdigstille tekstar og setje dei i samanheng med bilete og video.

Verktøy for publisering eignar seg godt til samarbeid, fordi dei kan ta opp i seg mykje stoff.

Googlesites

Blogger