Arbeidsoppdrag
Korleis er HMS-forholda der du er?
Systematisk HMS-arbeid inneber at arbeidsgivaren skal fastsetje mål for helse, miljø og sikkerheit, kartleggje farar og problem og sørgje for systematisk arbeid med førebygging og oppfølging av sjukefråvær. Korleis står det til på skulen din og på praksisplassen der du er utplassert?
Bilete: Guri Bente Hårberg / CC BY-SA 4.0
HMS-arbeid
Ta utgangspunkt i skulen din eller ein annan arbeidsplass du kjenner til.
- Gi døme på og drøft kva som blir gjort for at «det blir utført systematisk helse-, miljø- og sikkerheitsarbeid på alle plan i verksemda».
- Kom med idéar til forbetringar av HMS-arbeidet.
Internkontroll
Ta for dykk belysninga i klasserommet:
- Er ho god nok?
- Er ho forskriftsmessig?
Følg fasane i forbetringsarbeidet og fordel arbeidet mellom dykk.