Fagartikkel
Tips til oppstart av eige firma
Her får du gode tips frå Adam og Lasse frå Adams matkasse til kva du bør tenkje igjennom når du skal starte di eiga bedrift.
Video: Kolbjørn Hoseth Larssen, Tone Hadler-Olsen / CC BY-NC-SA 4.0
I videoen høyrer du om korleis Adams matkasse vart etablert. Her kan du plukke opp gode råd til kva du må tenkje på i oppstartsfasen. Adam og Lasse fortel innleiingsvis om idéfasen og avsluttar med å fortelje om kor viktig kundefeedback er.
Vi kan samanfatte tipsa frå Adam og Lasse i følgjande gjeremål:
- utvikle ein idé
- velje namn og domene
- setje saman eit team
- finne målgruppe
- finne ut kva som gjer bedrifta di unik
- bestemme prisstrategi, satse på lågpris eller luksus
- utvikle ein god design, sjå proff ut
- rekne ut behov for kapital, finne finansiering
- få hjelp av venner og kjente
- jobbe hardt
- kome raskt i gang
- halde orden på økonomien
- høyre på kundane, få, ta vare på og nytte kundefeedback