Praktisk oppgåve: fordelingsskåp

Kunden ønskjer seg eit nytt fordelingsskåp i leilegheita si og spesifiserer dette behovet:

Fordelingssystemet er TN 400 V.

1. Dokumenter alle forbrukarkursane med krav 1 og krav 2.
2. Dokumenter hovudsikring (KV/OV) for fordelingsskåpet.

1. Kople opp fordelingsskåp med overbelastningsvern, overspenningsvern, målarsløyfe, samleskjene, jordskjene og dei seks forbrukarkursane.

Det er viktig å montere installasjonen fagmessig. Her er det viktig å følgje normer og forskrifter. Dei viktigaste momenta her er å skru godt til i alle koplingar og sjekke at koplingane er varige og solide. Sjå eigne instruksjonsvideoar om dette.

Utarbeid komplett anleggsdokumentasjon der du får med følgjande:

1. kursoversikt
2. installasjonsteikning
3. koplingsskjema
4. dokumentasjon av kabel og vern
5. materialliste
6. samsvarserklæring

Installasjonen skal vere sikker både for brukaren og den som arbeider med han. Gjennomfør sluttkontroll og funksjonstest av anlegget ditt.