Arbeidsoppdrag
Start og stopp av trefasa asynkronmotor med to hastigheiter (STI 7)
I dette oppdraget skal du starte og stoppe ein trefasa asynkronmotor med to hastigheiter ved hjelp av brytarar og kontaktorar.
Kontaktorar og motorvernbrytarar i eit skåp. Bilete: Magnar Lynglund / CC BY-NC-SA 4.0
Her skal du få eit innblikk i korleis vi kan starte ein trefasa asynkronmotor med to hastigheiter ved hjelp av brytarar og kontaktorar.
Denne installasjonen kunne vore brukt til å starte og stoppe eit transportband der ein har behov for to hastigheiter.
I dette arbeidsoppdraget skal du installere ei enkel start- og stoppløysing for ein trefasa 230 V asynkronmotor med to hastigheiter.
Dette er dokumentasjon som skal vurderast og leverast til lærar:
- hovudstraum (start med ein kladd)
- styrestraum (start med ein kladd)
- arrangementsteikning
- funksjonsbeskriving
- rekkjeklemmetabell
- montere opp utstyret
- kople opp hovudstraum og styrestraum
- teste ut og setje i drift utstyret saman med lærar
- dokumentere, vurdere og kontrollere arbeidet ditt
Verktøy du kan få bruk for
- avbitartong
- kabeltong
- nitetong/endehylsetong
- fleire typar skrujern
- multimeter
- straumtong
Døme på skjema over hovudstraum og styrestraum for ein dahlanderkopla motor med to hastigheiter
Hovudstraum og styrestraum for ein dahlanderkopla motor. Bilete: John H. Vijzelaar / CC BY-SA 4.0