Organismegrupper
Formelle grupper finn vi igjen i moderne klassifikasjonssystem, og dei fleste høyrer til eit bestemt nivå:
Nivå | Namn |
|---|---|
rike | dyreriket |
rekkje | leddyr |
klasse | insekt |
orden | sommarfuglar |
Uformelle grupper fanst i tidlegare klassifikasjonssystem, og nokre av namna er framleis i bruk fordi dei utgjer praktiske einingar. Dette gjeld til dømes virvellause dyr, krypdyr, fisk og mosar.
Kvart rike har sin fargekode
Fargekodane i tabellen skil dei ulike gruppene frå kvarandre. Det må understrekast at det er gjort mange val og kompromiss i denne oversikta. Andre kjelder kan derfor avvike noko frå dette. Til liks med all annan vitskap blir systematikk og klassifisering kjenneteikna ved at felta er i stadig endring fordi vi heile tida får ny kunnskap.
Rike | Fargekode |
|---|---|
dyreriket | blå |
soppriket | brun |
planteriket | grøn |
protistriket | grå |
bakteriar | lilla |
erkebakteriar | lyseblå |
Tabellane er vedlagde i PDF-format.
Oversikt over ulike organismegrupper
Organismegruppene i kolonnen "Grupper" er oftast, men ikkje alltid, formelle. Domenet Eukarya (dei eukaryote organismane) er fordelte på dyreriket, soppriket, planteriket og det gamle, oppløyste protistriket. Når det gjeld protistriket, er mange grupper no fordelte på det gule riket, slimriket, urdyrriket og dyreriket. Prokaryote organismar finn vi i domena Bakteriar og Erkebakteriar.