Nettlesaravspelar for strøyming
Opne Nginx-konfigurasjon i editor.
sudo nano /etc/nginx/nginx.conf
Fjern den nedste sløyfeparentesen "}" i konfigurasjonen og kopier inn konfigurasjonen nedst i dokumentet.
1#konfigurasjon for førespurnader etter nettside 2 server { 3 listen 80; #portnummer, 80 er standard for web 4 location / { 5 try_files $uri $uri/ =404; 6 7 root /var/www/html; 8 #prioriteringsliste, viss inga fil er spesifisert i førespurnaden 9 index index.html index.htm index.nginx-debian.html; 10 } 11 } 12}
Trykk tastane Ctrl + X for å gå ut av editoren. Stadfest lagring av endringane.
Restart Nginx for at ny konfigurasjon skal bli teken i bruk.
sudo systemctl restart nginx
Ved feil bruker du statuskommandoen under for feilsøking.
sudo systemctl status nginx
Bruk tastane Ctrl + Z for å komme ut av statusoversikta.
Tidlegare i Nginx-installasjonen testa du standard-HTML-sida som kjem med Nginx.
Etter at du byrja å lage din eigen konfigurasjon, vart denne sida utilgjengeleg. No har du lagt til ny konfigurasjon som gjer at sida igjen er tilgjengeleg.
Gå i nettlesaren og skriv inn IP-adressa til strøymeserveren din.
Det finst ei rekke nettlesarbaserte avspelarar for videostraumar, i denne guiden blir Video.js brukt.
I dette oppsettet blir sjølve videoavspelaren henta direkte frå sidene til Video.js-prosjektet. For oppsett som er utan nettilgang må Video.js-filene blir lasta ned på strøymeserveren. Det går vi ikkje gjennom i denne guiden.
Lag HTML-side for avspelaren.
sudo nano /var/www/html/index.html
Kopier inn og juster HTML-koden til oppsettet ditt. Spesielt IP-adressa etter "source src=" må bytast til IP-adressa til serveren din.
1<!DOCTYPE html> 2<html> 3 <head> 4 <meta charset=utf-8 /> 5 <title>Strøymetest</title> 6 <link href="https://unpkg.com/video.js/dist/video-js.css" rel="stylesheet"> 7 <script src="https://unpkg.com/video.js/dist/video.js"></script> 8 <script src="https://unpkg.com/videojs-contrib-hls/dist/videojs-contrib-hls.js"></script> 9 </head> 10 <body> 11 <video id="video1" class="video-js vjs-fluid vjs-default-skin vjs-big-play-centered" controls preload="auto" data-setup='{}'> 12 <source src="http://192.168.1.25:8080/stream.m3u8" type="application/x-mpegURL"> 13 </video> 14 15 <script> 16 var player = videojs('video1'); 17 player.responsive(true); 18 player.play(); 19 </script> 20 21</body> 22</html>
Trykk tastane Ctrl + X for å gå ut. Stadfest lagring av endringane.
For testen treng du ein aktiv RTMP-videostraum frå OBS eller eit anna strøymeprogram til serveren din. Sjekk at straumen inn mot serveren din er aktiv før du går vidare.
Maskina du prøver å opne straum frå, kan vere den same som du strøymer ut med, eller det kan vere ei anna maskin som er på det same lokale nettverket som serveren din.
Gå i nettlesaren på ei maskin som er kopla til det same nettverket som strøymeserveren din. Skriv inn IP-adressa på serveren din.
Viss oppsettet fungerer, vil du få opp ein nettlesaravspelar som du kan starte for å kople deg til videostraumen du har sett opp.
Ein enkelt strøymeserver vil ikkje kunne betene veldig mange sjåarar samtidig. Derfor bør du teste grundig før eventuell strøyming.