Lag ein forklaringsvideo om fagstoff

Opne bilete i eit nytt vindauge

CC BY-NC-SA

Bilete: Science Photo Library, NTB scanpix

• Lag ein forklaringsvideo om eit fagleg tema på utdanningsprogrammet ditt.
• Medelevane er målgruppa di.
• Bruk fagomgrep.
• Bruk ein visuell stil som innbyr til læring og treffer målgruppa.
• Filmen skal vare mellom 3–5 minutt.
• Filmen skal bestå av minst tre medietypar, til dømes tale, tekst og bilete.
• Gi opp kjelder du har brukt til å hente inn informasjon.
• Størstedelen av visuelt materiale som foto, grafisk design og video skal vere produsert av deg.
• Det skal tydeleg komme fram kva du har produsert og kva som er produsert av andre.
• Skriv eit notat om førebuingsdelen, produksjonen og sluttproduktet ditt, eller fortel om dette som ein del av presentasjonen.

Start med å sjå på minst tre ulike forklaringsvideoar på nett. Kva er gode kvalitetar ved desse, og er det noko som ikkje er optimalt? Kva medietypar blir brukte, og korleis er videoane bygd opp? Noter ned.

Set deg inn i temaet ditt, lær deg fagstoffet og planlegg korleis du kan lage ein forklaringsvideo om dette. Kva må vere med, og kva er mindre viktig? Korleis skal du introdusere temaet? Korleis kan du produsere det aller meste sjølv? Noter ned kjelder og informasjon.

Gjer opptak, utform visuelt materiale, ver nøye med at du får gode lydopptak. Rediger og set saman, legg på vignett. Filmen skal vere i breiddeformat.

Test og sjekk produksjonen din på andre før du leverer frå deg. Be dei gi tilbakemelding på utforming, tempo, lyd og læringsutbytte.

• Kommuniser tydeleg, ha god lesbarheit på tekst og ha rein og klar lyd.
• Ver engasjert når du snakkar, ikkje les frå manus.
• Bruk visuelle element som bilete, grafisk design og video.
• Ikkje ha for mykje informasjon i ruta på ein gong.
• Viss du skal gjere skjermopptak, er OBS studio eit godt alternativ. Det er eit ope, gratis verktøy utan reklame.