Om etterspørselen etter vegtransport
Etter kvart som fleire har fått tilgang til bil, og dei fleste nye arbeidsplassane er etablerte i byar og tettstader, har ein aukande del av befolkninga busett seg i tettbygde strøk.
Etter at den andre verdskrigen var slutt i 1945, tok det litt tid før bilproduksjonen kom i gang for fullt rundt 1950. Fram til 1960 var det rasjonering på bilar i Noreg, og berre dei som kunne dokumentere at dei hadde behov for bil i arbeidet, fekk kjøpe. Etter 1960 har bilparken berre vakse. Utbygginga av vegnettet skaut òg fart frå 1960.
Bilen gjer det mogleg for oss å flytte oss over lange avstandar på kort tid. Konsentrasjonen av bustader og arbeidsplassar i byar og tettstader fører til press på vegnettet mange stader i landet. I dei tettast befolka områda er derfor kollektivtransport heilt nødvendig for å kunne avvikle den samla etterspørselen etter transport.
Utvikling i kollektivtrafikken.