Fylkeskommunen sitt forvaltningsansvar
Regional samferdselspolitikk dreier seg om å ta det forvaltingsansvaret som høyrer til fylkeskommunane. Fylkeskommunane har ansvaret for
- kollektivtransport
- transport av elevar til vidaregåande skular
- drosjetransport
- planlegging av fylkesvegar
Fylkeskommunane kan anten drive kollektivtransport i eigen regi eller kjøpe slike tenester frå kommersielle aktørar.
Skoleskyss
Medan grunnskuleskyssen er eit kommunalt ansvar, er transport av elevar til og frå vidaregåande skular eit fylkeskommunalt ansvar. For å ha rett til skuleskyss er hovudregelen at avstanden mellom bustad og skule skal vere minst 4 kilometer for grunnskuleelevar og minst 6 kilometer for vidaregåande elevar. Fylkeskommunane prøver å samordne skuleskyssen til dei vidaregåande skulane med grunnskuleskyssen, som kommunane har ansvar for.
Fylkesvegar
Fylkeskommunane kjøper tenester frå Statens vegvesen for vedlikehald og utbygging av fylkeskommunale vegar. Fylkesvegar er markerte med FV i den norske veglista for kommunar og fylkesvegar, som blir utgitt fylkesvis.