Fagartikkel
Forskrift om bruk av kjøretøy (bruksforskrifta)
Forskrift om bruk av kjøretøy, eller bruksforskrifta som ho blir kalla i daglegtale, gjeld i utgangspunktet all bruk av køyretøy.
Brukar av køyretøy. Bilete: Fenomen / CC BY-NC 4.0
Bruksforskrifta tek for seg føresegner vi må ta omsyn til når vi er ute i trafikken med køyretøy. Forskrifta ligg under vegtrafikklova.
Her finn vi mellom anna reglar for mønsterdjupn på dekk til ulike køyretøy, sommar som vinter. Reglane om registrering av køyretøy, med mellom anna utforming av registreringsskilt og vognkort, finn ein òg i denne forskrifta.
Aksellast og boggitrykk. Bilete: NKI Forlaget / CC BY-NC-SA 4.0
I kapittel 3 i bruksforskrifta finn vi reglane om sikring av last.
Vi finn òg reglane om dimensjonar, som aksellast og totalvekt, og om lengdeføresegner. Desse ligg i kapittel 5 i forskrifta. Frå desse føresegnene kjem òg veglistene, som vi finn på nettsidene til Statens vegvesen. Veglistene er eit vedlegg til forskrifta og kjem i reviderte utgåver kvart år.