Internkontrollforskrifta
Internkontrollforskrifta ligg under arbeidsmiljølova og regulerer HMS – helse, miljø og sikkerheit – i bedrifta. Derfor blir gjerne internkontrollforskrifta òg kalla HMS-forskrifta. Alle bedrifter er i utgangspunktet underlagde internkontrollforskrifta og må opprette eit HMS-system.
Les om internkontrollforskrifta på nettsidene til Lovdata.
Internkontroll/HMS
Ulykker, skadar og forureining er uakseptabelt både for enkeltpersonar og for samfunnet. Derfor har samfunnet etablert reglar som skal
- vareta sikkerheit
- førebyggje ulykker
- hindre skade på det ytre miljøet
For å sikre at alle som driv verksemd, følgjer reglane, har styresmaktene pålagt bedriftene å etablere ein internkontroll, altså eit HMS-system. Føremålet med systemet er å oppdage farar og setje inn tiltak i tide, før dei får utvikle seg til farlege situasjonar.
HMS – risikovurdering
Eit sentralt verktøy i HMS-arbeidet er risikovurdering av arbeidsplassen. Sjå Arbeidstilsynet sine sider om HMS. Her kan du lese meir om internkontroll, risikovurdering og korleis du set opp eit HMS-system. Du kan òg prøve det digitale verktøyet "risikohjelpa" for transport. Dette er eit hjelpemiddel for risikovurdering.