Oppgave
Overtyd med patos
Reklame for majones på 1920-tallet. Bilete: bollesbiggestfan1 / CC BY-NC-SA 4.0
Skap kjensler for eit produkt
Jobb saman i grupper på to til fire elevar.
Vel dykk eit produkt, f.eks. sjokolade, brus, klesmerke, kosttilskott eller liknande.
Vel ei spesifikk kjensle, f.eks. glede, sjalusi, svolt, tørst, å kjenne seg utanfor, dårleg samvit eller liknande.
No skal de konsentrere dykk berre om den eine kjensla. Korleis må de ordleggje dykk for å vekkje den kjensla de har valt, når de skal overtyde ein mottakar om å kjøpe produktet dykkar?
Relatert innhald
Fagstoff
PatosPatos blir ofte omsett til «kjensler». I retorisk samanheng vil det seie at vi overtyder gjennom å vekkje bestemte kjensler hos publikum.