Eit skodespel består til vanleg av ei eller fleire akter. Aktene er igjen delte opp i scenar.
Akt
Handlinga i eit drama er vanlegvis delt opp i akter og scenar. Overgangen frå ei akt til ei anna markerer eit større skilje i handlinga, til dømes overgangen frå natt til dag eller frå ein stad til ein annan. Vi kan seie at aktene fungerer som kapitla i dramaet. Tradisjonelt har skodespel hatt fem eller tre akter, men i dag har alt frå ei til fem akter vorte vanleg. Aktskiftet vert markert med teppefall.
Scene
Ei akt består av ei rekkje scenar. Scenen er den minste handlingseininga i dramaet, han omfattar ein samanhengande dialog eller monolog utan skifte i tid eller rom. Sceneskifte skjer til vanleg ved at ein ny person kjem inn på scenen, eller ved at nokon forlèt han. Eit lysskifte kan òg markere eit sceneskifte.
CC BY-NC-SASkrive av Tone Elisabeth Grundvig og Marion Federl.
Sist fagleg oppdatert 25.10.2018