"Ord over grind"

Opne bilete i eit nytt vindauge

CC BY-NC-SA

Bilete: NTB

Diktet " Ord over grind" av Halldis Moren Vesaas er henta frå samlinga I ein annan skog som kom ut i 1955.

Del 1. Teikn diktet

1. Teikn diktet, slik du tolkar det
2. Samanlikn teikninga di med ein annan i klassen og forklar kvarandre kvifor de valde å teikne det slik de gjorde

Del 2. Førsteinntrykk og oversikt

• Finn nokre adjektiv som kan karakterisere grunnstemninga i teksten.
• Kva trur du diktet handlar om? Svar med éi setning.
• Gjer kort greie for korleis diktet er bygd opp. Stikkord her er strofer, rim og rytme.
• Brukslyrikk, sentrallyrikk, allmenn tekst, personleg tekst, songlyrikk, boklyrikk: Vel merkelappar for diktet og forklar kvifor dei passar.

Del 3. Nærlesing

• Diktet handlar om forholdet mellom to personar. Kva slags metafor (bilete) bruker forfattaren for å vise kor nært forholdet er mellom dei to?
• Kva slags forhold trur du diktaren skildrar? Er det snakk om venskap, eit kjærasteforhold, eit forhold mellom forelder og barn? Eller seier diktet noko om mellommenneskelege forhold generelt? Prøv å grunngi svaret.
• Korleis har eg-personen opplevd møta med den andre?
• Det står ikkje nemnt direkte i diktet kvifor eg-personen vil "bu aleine i huset sitt". Kan du tenkje deg nokre grunnar?
• Finn eitt eller to sitat frå teksten som viser at eg-personen er nøgd med situasjonen og med forholdet til den andre.

Del 4. Oppsummering

• Har du fått bekrefta førsteinntrykket ditt av teksten, eller tolkar du han no på ein annan måte? Kva vil du no seie er temaet forfattaren tek opp?
• Kva trur du forfattaren vil formidle gjennom denne teksten? Svar kort.