Oppgåve 1
Notat
Gå over notata dine. Reinskriv dei og set dei opp oversiktleg og i ei fornuftig rekkjefølgje.
Oppgåve 2
Skriving i ti minutt
Du har no fått eit godt inntrykk av korleis forfattaren skildrar motivet og bruker ulike verkemiddel for å belyse temaet i diktet. Skriv fritt i ti minutt om motiv, tema og dei viktigaste verkemidla.
Oppgåve 3
Refleksjon
Bruk fem til ti minutt på å vurdere kva du har lært under arbeidet med læringsstien. Skriv ned vurderingane dine.
- Kva kunne du frå før? Kva nytt har du lært?
- Finst det noko som du framleis opplever som vanskeleg eller uklart? Prøv å forklare kva det er du strevar med i så fall.
Oppgåve 4
Samanlikning av to dikt
No skal du ha fått god innsikt i korleis ein les for å analysere dikt. Dersom du vil ha ei ny utfordring, kan du til dømes samanlikne diktet du nettopp har lese, med diktet «Skyggen» frå diktsamlinga Lysår av Åse-Marie Nesse. Du finn boka og diktet på bokhylla.no.
Oppgåve 5
Skriftleg diktanalyse
Skriv ein samanhengjande analyse av diktet du nettopp har analysert. Skrivetips finn du i læringsstien "Slik kan du skrive ein diktanalyse".