Del 1: Les og vurder teksten
Modellteksten du skal lese, er ein fagartikkel som handlar om litteratur. Temaet er familien i litteraturen.
Relatert innhald
Les fagartikkelen "Familien – det perfekte utstillingsvindauget".
Skriv ned kva som kjenneteiknar fagartikkelen om litteratur:
Kva for ulike moment har skribenten med?
Kva skil fagartikkelen frå ein litterær analyse?
Kvifor er dette ein god fagartikkel? Skriv ned minst tre positive sider ved teksten.
Kvifor skal du bruke modelltekstar?
Å lese døme på gode tekstar kan hjelpe deg til å forstå kva som trengst i den sjangeren du skal skrive.
Gode modelltekstar kan hjelpe deg med tips til korleis du skal strukturere teksten din og byggje opp avsnitt.
Du kan "stele" gode formuleringar frå modellteksten. Etter kvart vil dei gode formuleringane bli ein del av ditt eige vokabular.
Del 2: Dekonstruer modellteksten
For å verkeleg kunne overføre dei gode sidene ved ein modelltekst til eiga skriving er det lurt å "dekonstruere" han. Det vil seie at du skal dele han opp i mindre bitar og granske kvar del. Kva funksjon har kvar del i heilskapen?
Last ned det vedlagde dokumentet og kommenter kvart avsnitt kort.
Filer
Del 3: Språkflyt
Å skape flyt mellom setningar og avsnitt er språkmagi. Meistrar du dette, blir det mykje artigare å skrive, rett og slett! Du kan tenkje deg at du skal ta lesaren din i handa og leie hen gjennom teksten.
Men korleis får du eigentleg til å skape denne flyten? Den som har skrive fagartikkelen "Familien – det perfekte utstillingsvindauget", har nokre gode knep du kan lære av.
Les gjennom teksten ein gong til på leiting etter småord- og frasar som skaper flyt mellom setningane. Du kan bruke Word-dokumentet du skreiv i sist og markere med tjukk skrift.
Les dei to første setningane i kvart avsnitt. Korleis skaper den som har skrive teksten ein raud tråd ved å sy saman avsnitta?
Del 4: Oppsummer
Skriv ein kort tekst der du oppsummerer det viktigaste du har lært om korleis du kan skrive ein god fagartikkel.