Journalistikk er informasjon om noko som faktisk finst eller noko som faktisk har hendt. Derfor må journalisten vurdere informasjon frå kjelder på ein kritisk måte. Journalisten har eit viktig samfunnsoppdrag på vegner av folket og må følgje presseetiske reglar.

Nyheitsstraumen kryssar landegrenser. Straumen har oftast gått frå nord til sør, men dette kan endre seg. Den som definerer nyheitsbiletet, har makt over opinionen. Internett og sosiale medium utfordrar autoritære regime som ønskjer å kontrollere tilgangen befolkninga har til usensurerte nyheiter.