Målet med oppgåva er
å vise at du forstår og kan nytte grunnleggjande mediefaglege omgrep og teoriar
å vise at du kan bruke det du veit om strategisk kommunikasjon, i ditt eige arbeid
å vise at du kan gjere greie for problem som kan oppstå i skjeringspunktet mellom strategisk kommunikasjon og journalistikk
Oppgåve 1: Omgrepsoppgåve
Forklar og gi døme på desse omgrepa:
målretta kommunikasjon / strategisk kommunikasjon
kommunikasjonsstrategi
politisk kommunikasjon
marknadskommunikasjon
viral marknadsføring
Oppgåve 2: Skisser ein kommunikasjonsplan
Lag ei skisse til ein kommunikasjonsplan for Operasjon Dagsverk på skulen din.
Planen skal innehalde ei målsetjing, ein situasjonsanalyse og ei liste over dei fem viktigaste kommunikasjonstiltaka. Minst eitt av tiltaka skal sikre viral marknadsføring.
Oppgåve 3: Skriv ein fagartikkel
Skriv ein fagartikkel som diskuterer følgjande problemstilling:
Korleis bruker aktørar strategisk kommunikasjon til å påverke innhaldet i redaksjonelle medium ut frå eigne interesser?
Du kan gå inn i følgjande aspekt: Kva ønskjer aktørane å oppnå, i kva grad er det problematisk, og korleis bør redaktørar og journalistar ta omsyn til slik strategisk kommunikasjon?
I fagartikkelen skal du bruke mediefaglege omgrep og vise til faglege teoriar og etiske retningslinjer.