Media har ei viktig rolle i eit demokrati. Dei formidlar informasjon og er ein arena for politisk debatt. Ei sentral rolle for redaksjonelle medium er å avsløre maktmisbruk. Medborgarskap handlar om ytringsfridom og om at alle har moglegheit til å delta i samfunnsliv og arbeidsliv.

Media er spegelbiletet til kulturen. I denne spegelen kan vi få auge på og avsløre stereotypiar av og fordommar mot menneske som er ulike oss sjølve. Samtidig påverkar og endrar media samfunn og kultur. Denne prosessen blir kalla medialisering.