Oppgåve
Språkvanskar i barnehagen
Når du skal jobbe med barn i barnehagen, er det viktig at du har kunnskap om språkvanskar. Her kan du lære meir om språkvanskar og kva du bør gjere for å stimulere til god språkutvikling.
Sjå filmen Språkvansker i barnehagen, som er ein del av Lesesenterets språkløype "Vansker med språk, lesing og skriving".
Video: Nasjonalt senter for leseopplæring og leseforsking / CC BY-SA 4.0
- Forklar skilnaden på språkvanskar og språkleg forseinking.
- Vi skil mellom spesialpedagogiske tiltak og allmennpedagogiske tiltak i barnehagar. For kven gjeld allmennpedagogiske tiltak?
- Kva utfordringar kan språkvanskar gi på lang sikt?
- Forklar kva Bloom og Laheys språkmodell går ut på. Gi døme frå filmen eller frå eigen praksis.
- For å finne ut om barn som held på å lære seg norsk, har språkvanskar eller ikkje, må vi sjå på korleis dei meistrar norsk, og korleis dei meistrar sitt eige morsmål. Kvifor må vi det?
- Kvifor treng vi kunnskap om språkutvikling og språkvanskar?
Søk på internett og finn språkstimuleringsaktivitetar som passar for barn i barnehagen. I relatert innhald finn du lenker til nokre aktuelle nettsider.
Lag aktivitetskort som fortel
- kva aktiviteten går ut på
- korleis han skal gjennomførast
- kvifor denne aktiviteten stimulerer til språkutvikling
- Illustrer aktiviteten på aktivitetskortet, anten ved å teikne sjølv eller ved hjelp av bilete frå nettet.
Samle saman alle idéane frå klassen og lag eit språkhefte til bruk i barnehagen.