Føremålet med observasjon

Observasjon gir deg moglegheit til å få innsikt og forståing for barnet og barnegruppa i det miljøet dei er i. I arbeidet med barn og unge skal du nytte observasjon for å vurdere barnegruppa og trivselen og den allsidige utviklinga til enkeltbarnet.

Vi nyttar observasjon for å få innsikt og forståing for

• barnet og barnegruppa

• korleis barn opplever livet sitt

• korleis det er å vere eit aktivt og handlande barn i institusjonen

• korleis miljøet verkar inn på utviklinga og læringa til barn

• læringa, samspelet, leiken og trivselen til barn

• kva og korleis barn meistrar

• kva som er barna sitt potensial og moglegheiter

Observasjon blir òg nytta

• for å oppdage barn som treng hjelp og støtte

• som grunnlag for samarbeid med barnas føresette og andre instansar

• for å hjelpe oss til å få ny kunnskap og utvikle oss sjølve i arbeidet med barn og unge

• til refleksjon og vurdering, endring og utvikling av pedagogisk praksis

• som utgangspunkt for planlegging av det pedagogiske arbeidet

• for å leggje til rette for ein praksis som bidreg til trivsel og allsidig utvikling

Observasjon er ein del av det didaktiske arbeidet. Vi nyttar observasjonar som utgangspunkt for å planleggje det pedagogiske arbeidet i kvardagen til barnet og barnegruppa.

Frønes, M. H. (2019). Med blikket som redskap. I M. H. Frønes & V. Glaser (Red.), Praksisbok for barnehagelærerstudenten (s. 79–90). Universitetsforlaget.