Øv deg på å nytte sansane
Sit på ein stol eller legg deg på golvet. Sit/ligg roleg under heile øvinga. Pust roleg inn og ut og start deretter å leggje merke til kva du sansar.
Sjå. Kva ser du? Fargar, former, linjer?
Lytt. Kva høyrer du? Kva lydar legg du merke til? Lyder frå rommet, utanfor rommet. Lyder frå din eigen kropp, lyder frå sidemannen.
Føl. Kva kjenner du med kroppen din? Hendene? Ansiktet? Leppene? Hovudet? Ryggen? Føtene? Magen? Kjenner du underlaget du sit/ligg på? Kjenner du kleda dine? Korleis kjennest det?
Lukt. Kva luktar du? Korleis kan du beskrive lukter?
Smak. Kjenn etter kva smak du har i munnen. Kan du beskrive smaken?
Skriv ned det du har sansa. Del det med ein eller fleire medelevar.
Sansa de det same?
Kvifor sansar vi likt eller ulikt?
Reflekter over
kva sansane våre har å seie når vi observerer
korleis de nyttar sansane i observasjonsarbeidet
om vi kan stole på sansane våre