Korleis regulere kjensler?

Diskuter før de ser filmen:

1. Kvifor har vi kjensler?

2. Kva er bra, og kva kan vere vanskeleg med kjensler?

Sjå filmen over og svar på spørsmåla:

1. Kvifor er kjenslene våre viktige for oss?

2. Kva er kjensleregulering?

3. Tenk gjennom dagen din så langt. Kva kjensler har du hatt i dag, og kva gjorde du for å regulere dei?

4. Kva kan vere postive måtar å handtere kjenslene på? Gi minst tre konkrete døme.

5. Kva kan vere negative måtar å handtere kjenslene på? Gi minst tre døme.

6. Kvifor kan nokon måtar å takle kjensler på vere skadelege?

7. Kva kan vi gjere for å forandre negative måtar å regulere kjensler på?

Jobb saman i grupper:

1. Diskuter kvifor det er viktig å finne positive måtar å handtere kjensler på.

2. Vel tre ulike kjensler de synest det kan vere utfordrande å regulere (forslag: frykt, sinne, skam, tungsinn, fortviling, misunning, sjalusi, skyldkjensle, ømheit, forakt, lette, nysgjerrigheit, usikkerheit, einsemd, forelsking, overrasking).

3. Finn eit eller fleire døme på positive måtar å handtere kvar av dei tre kjenslene de valde i oppgåve B, på.

4. Finn eit eller fleire døme på negative måtar å handtere kvar av dei tre kjenslene de valde i oppgåve B, på.

5. Ta for dykk døma på negative måtar å handtere kjensler på som de kom fram til i oppgåve D, og jobb vidare med dei. Tenk dykk at ein venn har gjort det til ein vane å handtere kjenslene på denne måten. Korleis kan de hjelpe vennen til å forandre vanen sin på ein realistisk måte?

Denne oppgåva er laga i samarbeid med VIP Psykisk helse i skulen.