Korleis vere ein god venn for nokon som har det vanskeleg?

Diskuter før de ser filmen

1. Kva betyr det å vere ein god venn?

2. Korleis kan du vere ein god venn for nokon som har det vanskeleg?

Sjå filmen og diskuter

1. Kva kan vere utfordrande med å vere ein god venn for nokon som har det vanskeleg?

2. Korleis kan du vere ein god venn for nokon som har det vanskeleg, ifølge filmen? Kva tips kjem filmen med?

3. Reflekter over dei ulike tipsa filmen kjem med. Kva meiner du er viktigast? Kvifor?

4. Er det noko anna enn det som blir nemnd i filmen du kan gjere for ein venn?

5. Kvifor er det viktig at du ikkje "tek ansvar" for den psykiske helsa til vennene dine, og at du til dømes ber på tunge eller farlege hemmelegheiter?

6. Kvifor kan det vere viktig å ta kontakt med nokon andre viss du er bekymra for ein venn?

Jobb i grupper

1. Lag eit konkret døme på ein ungdom på vidaregåande som slit og har det vanskeleg.

2. Kven kan de ta kontakt med viss de er vennen til nokon som har denne utfordringa? Grunngi svaret. Bruk gjerne lenkene under for å finne konkrete forslag.

3. Viss de har tid, kan de lage eit eller to andre døme på ungdommar som har det vanskeleg og finne ut kven dei kan ta kontakt med.

Oversikt over kven de kan ta kontakt med:

• Artikkel: Kven kan du snakke med på vidaregåande skule?

• Artikkel: Kven kan du snakke med utanfor skulen?

Denne oppgåva er laga i samarbeid med VIP Psykisk helse i skulen.