Språk er lydar som er sette i system for å skape meining. Vi bruker lydane til å byggje ord, og vi set saman ord til setningar etter bestemde reglar. Språket tilbyr oss ei mengde verktøy slik at vi kan få sagt alt vi vil – iallfall nesten!

Kvar gong du skal seie eller skrive noko, må du velje korleis du skal uttrykkje deg. Kunnskap om språklege verkemiddel hjelper deg å ta føremålstenlege og kreative språklege val. Lær om språklege verkemiddel og om korleis dei verkar inn på lesaren.