Språk er lydar som er sette i system for å skape meining. Vi bruker lydane til å byggje ord, og vi set saman ord til setningar etter bestemde reglar. Språket tilbyr oss ei mengde verktøy slik at vi kan få sagt alt vi vil – iallfall nesten!

Det er få som klarer å skrive heilt korrekt norsk heile tida. Dei aller fleste skriv feil av og til. Viss tekstane dine har mange feil og dårleg flyt, kan det påverke korleis lesaren oppfattar innhaldet og deg som sendar. Her kan du lære om korleis du kan unngå dei vanlegaste språkfeila.