Hopp til innhald
Oppgåve

Framtida for samiske språk i Noreg

Framtida for samiske språk blir påverka av språkpolitisk styring. Kva syn har dei politiske partia på den samiske språksituasjonen?
Familie i sofakroken med ei pute som viser dei i samedrakter. Foto.
Bilete: Heiko Junge / CC BY-NC-SA 4.0

Oppgåve

Alle dei store politiske partia i Noreg har ein språkpolitikk. Det gjeld òg politikk overfor samiske språk. Del klassen inn i ni grupper som skal representere desse politiske partia:

  1. Arbeidarpartiet
  2. Høgre
  3. Senterpartiet
  4. Sosialistisk Venstreparti
  5. Kristeleg Folkeparti
  6. Raudt
  7. Miljøpartiet Dei Grøne
  8. Venstre
  9. Framstegspartiet

Kvar gruppe set seg inn i partiet sitt stortingsvalprogram for 2017–2021. Informasjon finn de her: Hvilke løfter gir norske partier til samer?

Diskuter deretter følgjande problemstilling i klassen:

  • Korleis kan samisk språk og kultur best sikrast for framtida?

Hugs at synspunkta dine må vere i tråd med partiprogrammet. Forsøk å finne argument for at standpunktet til partiet ditt er det rette.