Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Litteraturen blir forma av forfattarar, og han blir prega av tida han blir skriven i. Lær om utviklinga gjennom tidene, om litterære retningar og om forfattarane. Det er dette som er tekstane sin kontekst.

Noreg og Island blir rekna som eitt felles område i norrøn tid, med stort sett felles språk, litteratur og mytologi. Den norrøne diktinga blir overført munnleg fram til 1200-talet. Så blir ho skriven ned på Island. Dei fleste tekstane har ukjende forfattarar.