Oppdraget dykkar er å utforske kva som gir den komiske effekten i første episode frå sesong tre av Vikingane. For å få til dette er det ein fordel å vite litt om vikingkulturen. Vi tilrår derfor at de først les fagartikkelen "Maskulin ære i norrøn tid" og teksten "Vikingene tålte ikke fornærmelser" frå Forskning.no.
De skal jobbe i grupper og diskutere spørsmåla under.
Relatert innhald
Nettside hos forskning.no
Del 1: Jarl Varg på fest
- Sjå dei ti første minutta av episode 1, sesong tre av Vikingane. Medan de ser, skal de skrive ned replikkar eller hendingar de meiner skaper komisk effekt.
- Kva verkemiddel har skaparane av serien brukt for å få til humor?
Tips
- Sjå på blanding av moderne og gamle verdiar.
- Kva verdiar finn de i miljøet, klesdrakter og utsjånad, og kva verdiar reflekterer replikkane?
Del 2: Dostongbanditten
No skal de konsentrere dykk om den andre handlinga i episoden – forteljinga om høvdingbroren Orm som er livredd for å bli avslørt som dostongbanditten. Sjå fram til 14:00 og diskuter desse spørsmåla:
- Korleis skaper Orms replikkar komisk effekt?
- Kva for moderne verdiar meiner du kjem til syne i replikkane hans?
- Korleis står desse i kontrast til det som er typiske vikingverdiar?
Del 3: Sjå resten av episoden
Sjå resten av episoden og oppsummer:
- Kva er det viktigaste verkemiddelet skaparen av serien bruker for å lage humor?
- Lag ei oversikt som viser korleis to ulike verdisett møtest i serien.
- Kva rolle speler kjønnsroller i serien?
Del 4: Skriv
No skal du skrive ei oppsummering av episoden du nettopp har sett. Oppsummeringa skal vere eit avsnitt på 10–15 setningar. I teksten skal du vise kunnskap om vikingideal, og dette skal du gjere ved å bruke alle orda under i oppsummeringa. Dei fleste orda finn du i artiklane du las før du såg serien, men bruk internett til hjelp om det er ord du er usikker på.
- ære
- skam
- hemn
- hemnplikt
- nid
- niding
- ergi