Fagartikkel
Transportmodular
Her lærer du korleis transportmodular er tilpassa lasteromma i transportmidla for å sikre full utnytting av volumet i lasteromma.
Ein stabel med Europallar klar til bruk. Bilete: Waba Europaller As / CC BY-NC-SA 4.0
For å sikre at transport- og lagerkapasiteten blir utnytta effektivt, er pallane standardiserte. Europallen er 80 x 120 cm og dimensjonert for å kunne bere ei last på 1000 kg når lasta ligg på ein gaffel, eller ei last på 4000 kg når pallen står på eit plant underlag. I praksis betyr dette at vi kan stable fire pallar med 1000 kg kvar i høgda utan at den underste pallen knekk saman.
Den største tillatne utvendige breidda ved køyring på europeiske vegar er
- 2,55 meter for køyretøy utan isolerte vegger
- 2,60 meter for køyretøy med isolerte vegger (termotransportar)
Dette legg opp til to moglege innvendige lastemønster i europeiske konteinarar.
Slik er lastemønstera for europallar i ein konteinar. Bilete: Gunnar Ottesen / CC BY-NC-SA 4.0
Sjøtransportkonteinarar er tilpassa ein annan pallstandard, sidan utvendig breidd av slike konteinarar berre er 2,5 meter.