For at transportoppdraget skal bli best mogleg for alle partar, må du planleggje godt. Her vil du lære meir om kva faktorar som verkar inn på planlegginga og gjennomføringa av godstransport, og kvifor det er viktig og nødvendig å ta omsyn til dette.
Faktorar du må tenkje gjennom
kva lover og reglar du skal følgje
kven som er oppdragsgivar
kva du skal transportere
kvar transporten skal gå
kva transportmiddel som passar til transporten
når transporten skal skje
kva køyrerute du skal velje
kva kostnader du får, og kva pris du kan ta
kva for dokument som må vere på plass
korleis lastinga skal skje
korleis lossinga skal skje
Lover og reglar du må følgje
Når du skal gjennomføre eit transportoppdrag, krevst det at du følgjer ei rekkje lovfesta reglar. Transportselskap og yrkessjåførar må derfor kjenne til lovverket som gjeld for dei respektive oppdraga.
Det gjeld mellom anna
krav til køyretøy
krav til bruk av køyretøy
krav til køyre- og kviletid
krav til sjåføren