Hopp til innhald

Oppgåver og aktivitetar

Marknadskommunikasjon av Grandiosa

Matprodusenten Stabburet har opp gjennom åra skapt engasjement med fleire av reklamefilmane sine.
Kva grep har Stabburet gjort for å slå an med marknadskommunikasjonen sin av Pizza Grandiosa? I denne oppgåva skal du sjå nærare på denne marknadskommunikasjonen.
Tre esker med Pizza Grandiosa stabla oppå kvarandre. Foto.
Opne bilete i eit nytt vindauge
Pizza Grandiosa er Noregs favorittpizza, og kvart år et nordmenn over 25 millionar einingar av den populære pizzaen. Slagordet er: «Vi snakker ekte kjærlighet!»
CC BY-NC-SA
Bilete: Markus Aarstad

Oppgåver:

Gjer deg litt kjend med marknadskommunikasjonen av Pizza Grandiosa ved å gå inn på grandiosa.no, og ta ein titt på ein eller fleire av reklamefilmane nedanfor.

  1. Bruk Grandiosa som døme, og skriv ei kort forklaring om kva som blir meint med marknadskommunikasjon.
  2. Forklar, med døme frå Grandiosa, kva som blir meint med kommunikasjonsprosessen.
  3. Kva bodskap prøver Stabburet å nå ut med?
  4. Kven er i målgruppa og er meint som mottakarar av marknadskommunikasjonen om Grandiosa, trur du?
  5. Gjer greie for ulike typar kommunikasjonskanalar som du meiner kan vere aktuelle for Grandiosa å nytte seg av. Grunngi.
  6. Bruk marknadskommunikasjonen av Grandiosa som døme, og gjer greie for kva som blir meint med AIDAS-prinsippet.
  7. Kvifor trur du at fleire av Stabburets reklamefilmar om Grandiosa har slått godt an?
CC BY-SASkrive av Elisabeth Thoresen Olseng.
Sist fagleg oppdatert 31.07.2023

Læringsressursar

Konkurransemiddelet marknadskommunikasjon