Situasjonsanalyse av Varner
Frank Varner opna den første butikken sin i Thorvald Meyersgate på Grünerløkka i Oslo i 1962. Butikken heitte "Frank Varner" og blei ein stor suksess. Tre år seinare opna nok ein butikk i Oslo og éin i Trondheim.
I 1967 blei namnet Dressmann lansert i samband med ei ny butikkopning i Skippergata i Oslo. Sidan den gong har dei opna mange Dressmann-butikkar.
Nye kjeder og konsept
På 1980-talet blei Cubus og Carlings ein del av Varner.
I 1991 blei selskapet Bik Bok kjøpt opp. I 2001 gjekk konsernet inn i ein ny marknad gjennom oppkjøpet av Urban, ein livsstilsbutikk med røter i skate- og snøbrettmiljøet.
I 2002 blei Junkyard etablert, og i 2006 blei kjedene WOW og Volt etablerte. Samtidig med etableringa av nye kjeder og butikkar blir Varner stadig meir internasjonal. Varner er eit av Nord-Europas største motekonsern og har butikkar fordelte på seks land: Noreg, Sverige, Finland, Danmark, Island og Tyskland.
På nettsida til Varner kan du lese meir om Varner sine kjeder og konsept.
Gjennomfør ein situasjonsanalyse av Varner. Analyser interne styrkar og svakheiter og eksterne moglegheiter og truslar. Ta omsyn til alle naudsynte føresetnader. Skriv ei oppsummering av analysen, og kom med gjerne med tilrådingar til Varner.
Vel ut ei av kjedene eller eit av konsepta til Varner og gjennomfør ein situasjonsanalyse. Analysar interne styrkar og svakheiter og eksterne moglegheiter og truslar. Ta omsyn til alle naudsynte føresetnader. Skriv ei oppsummering av analysen og kom med gjerne med tilrådingar.