Einingspris. Vegen om 1

Oppgåva spør etter einingsprisen, i dette tilfellet meterprisen, på terrassebord. 1 m terrassebord kostar

$$ $$$$ \frac{44 \mathrm{kr}}{4 \mathrm{m}}=11 \mathrm{kr}/\mathrm{m}$$

Einingsprisen blir

$$ \frac{8,50 \mathrm{kr}}{10 \mathrm{stk}}=0,85 \mathrm{kr}/\mathrm{stk}$$ (kroner per stykk)

Einingsprisen blir

$$ \frac{47,50 \mathrm{kr}}{2,5 \mathrm{hg}}=19 \mathrm{kr}/\mathrm{hg}$$

Vekta av $$ 1 {\mathrm{cm}}^3$$ aluminium blir

$$ \frac{10,8 \mathrm{g}}{4 {\mathrm{cm}}^3}=2,7 \mathrm{g}/{\mathrm{cm}}^3$$

Vi kunne ha kalla denne storleiken for "einingsvekt", sidan det er vekta per eining. Det svarer til einingspris, som er kroner per eining. Men denne storleiken kallar vi tettleik, eigenvekt eller densitet.

Måla på sponplata gir kor stort areal sponplata har. Den aktuelle einingsprisen blir derfor arealprisen, prisen per areal. Sidan dimensjonane på sponplata er målte i meter, er det mest aktuelt å ha arealet i kvadratmeter, $$ {\mathrm{m}}^2$$.

Vi må først rekne ut arealet av sponplata. Då kan vi bruke formelen

$$ A=l·b=2,42 \mathrm{m}·0,62 \mathrm{m}=1,5 {\mathrm{m}}^2$$

Einingsprisen blir

$$ \frac{401,39 \mathrm{kr}}{1,5 {\mathrm{m}}^2}=267,59 \mathrm{kr}/{\mathrm{m}}^2$$

Vi må finne prisen på 1 eple. Det betyr at vi går vegen om (prisen på) 1 eple.

Vi må dele prisen på dei 7 epla (45 kr) på talet på eple, det vil seie 7, og deretter gå med det talet eple vi skal ha, 3.

Prisen på 3 eple blir

$$ \frac{45 \mathrm{kr}}{7}·3=19,28 \mathrm{kr}$$

Eventuelt kan du dele opp reknestykket i 2 utrekningar ved først å rekne ut prisen for eit eple og deretter prisen for 3 eple på tilsvarande måte som på teorisida.

Vi må finne ut kor mykje det kostar med 1 m trevirke. Vi går altså vegen om (prisen på) 1 m trevirke.

Vi må dele prisen for 5,5 m trevirke på talet på meter, det vil seie 5,5. Så gonger vi med det talet på meter vi skal ha, altså 2,40. Prisen på 2,40 m av trevirket blir

$$ \frac{75,50 \mathrm{kr}}{5,5 \mathrm{m}}·2,40 \mathrm{m}=32,95 \mathrm{kr}$$

Vi må finne ut kva prisen på 1 svensk krone er. Vi går derfor vegen om (prisen på) 1 svensk krone.

Vi må dele prisen for 100 svenske kroner på 100 for å finne prisen på éi krone. Så gonger vi med det talet på kroner vi skal ha. 850 svenske kroner kostar

$$ \frac{94,68 \mathrm{kr}}{100}·850=804,78 \mathrm{kr}$$

Vi går ut frå at det ikkje er noko gebyr på vekslinga.

Vi må finne ut kor mykje 1 m koparrøyr veg. Det betyr at vi går vegen om (vekta av) 1 m koparrøyr.

Vi må dele vekta av dei 5 metrane med koparrøyr på talet på meter, det vil seie 5. Så gonger vi med det talet på meter vi skal ha. 2 m koparrøyr veg

$$ \frac{1,5 \mathrm{kg}}{5 \mathrm{m}}·2 \mathrm{m}=0,6 \mathrm{kg}$$

Vi kan òg velje å rekne dette i to omgangar. Først finn vi einingsvekta (her er det vekta vi reknar på, ikkje prisen).

$$ \frac{1,5 \mathrm{kg}}{5 \mathrm{m}}=0,3 \mathrm{kg}/\mathrm{m}$$

Så gonger vi med det talet på meter vi skal ha. 2 m koparrøyr veg

$$ 0,3 \mathrm{kg}/\mathrm{m}·2 \mathrm{m}=0,6 \mathrm{kg}$$

Vi må finne lengda av éin blokk. Vi går altså vegen om (lengda av) 1 blokk.

Lengda på veggen blir

$$ \frac{550 \mathrm{cm}}{11}·5=250 \mathrm{cm}$$