Skadeførebyggjande trening med samansette øvingar

Desse øvingane rettar seg mot strukturar i og delar av kroppen som ofte er skadeutsette.

Øvingane styrkjer musklar, sener og ledd. Derfor kan dei førebyggje akutte skadar som strekk og belastningsskadar. Belastningsskadar er til dømes overbelastning, betennelsar og avrivingar i musklar og sener. Betennelsar skjer som oftast i overgangen mellom musklar og sener og mellom sener og knoklar.

Desse øvingane kombinerer styrke med rørsleevne og balanse og er fine øvingar om du treng ei utfordring når det gjeld skadeførebyggjande trening. Øvingane høver for deg som har trent styrke ei stund.