Ergonomi og helse
I denne oppgåva skal de jobbe saman i grupper og ta for dykk eitt eller fleire av dei elleve yrka innan helse- og oppvekstfag.
Kva er vanlege arbeidsoppgåver for ein fagarbeidar i dette yrket?
Kva arbeidsoppgåver medfører risiko for belastningslidingar?
Kva for nokre fysiske tilpassingar kan gjerast for å redusere risikoen for belastningslidingar?
Kva hjelpemiddel kan nyttast for å redusere den fysiske belastninga?
Finn døme på korleis oppgåvefordeling og individuelle tilpassingar kan førebygge belastningslidingar i dette yrket.
Korleis kan arbeidsmiljøet påverke helsa, både positivt og negativt? Drøft i gruppa.
Kva kjenneteiknar eit godt arbeidsmiljø? Bruk nokre minutt til å notere stikkord individuelt før de diskuterer.
Bruk stikkorda de noterte i oppgåve 3, til å lage ein plakat med tips for eit godt arbeidsmiljø som kan henge i klasserommet.
Korleis er samanhengen mellom eit godt arbeidsmiljø og eit godt klassemiljø? Diskuter i gruppa og i klassen.
Lag ein instruksjonsvideo der de demonstrerer gode arbeidsteknikkar og arbeidsstillingar mens de gjennomfører oppgåvene som de fann i den første oppgåva.
Kvar gruppe viser filmen sin i klassen. Etterpå kan de øve på teknikkane som vart viste, mens gruppa som har laga filmen, rettleier.
Relatert innhald
I helse- og oppveksttenestene er det mange yrkesgrupper som til saman har brei kompetanse.
Arbeidsmiljøet er dei omgivnadene du arbeider i. Med arbeidsmiljø meiner vi både det fysiske og psykososiale arbeidsmiljøet.