Oppgåve
Eingongsutstyr i helsevesenet
Eingongsutstyr er vanleg i helsevesenet. I eit miljøperspektiv kan det vere ulemper ved dette, men av omsyn til økonomi, smittevern eller andre faktorar kan likevel det vere riktig å nytte eingongsutstyr.
Bilete: Science Photo Library / CC BY-NC-SA 4.0
I praksis på sjukeheim ser du at det er mykje eingongsutstyr på lageret. Dette er til dømes hanskar, plastforklede, kladdar, munnbind, plastkoppar og skotrekk.
- Ta utgangspunkt i døma over. Gjer greie for når ein nyttar dette, og kvifor.
- Diskuter bruken av eingongsutstyr med utgangspunkt i forbruk og berekraft. Korleis heng dette saman med det du har lært om hygiene og smittevern?
- Undersøk medisinske forbruksvarer når du er i praksis, eller det som finst av eingongsutstyr på skulen eller heime.
- Kva er haldbarheitsdatoen?
- Kvifor er det haldbarheitsdato på eingongsutstyr?
- Kva kan skje med utstyr som er gått ut på dato?
- De skal lage pynt til borda i aktivitetsrommet til bebuarane på sjukeheimen. Lag ei liste over materiale du vil nytte, som òg er eit godt val av miljøomsyn.