Lag tre ulike vignettar i After Effects med vekt på teksteffektar. Test ut ulike design.
Oppdrag
Lag tre ulike vignettar i After Effects med vekt på teksteffektar. Test ut ulike design.
Vel eit av desse oppdraga:
1. Ein kjend gamar ønsker ein fresh vignett som fører stilen hans vidare og fornyar han. Vel ut ein gamar og sjå korleis du kan fornye stilen.
2. Kommunen din ønsker å bli meir synleg for unge og skal bli meir til stades i sosiale medium. Dei ønsker ein vignett som dei kan bruke i videoane sine. Tittel: ung i [namnet på kommunen din] kommune
3. Du ønsker å synleggjere deg sjølv som medieprodusent eller gamar. Bruk ditt eige namn eller eit nick.
Lag eit hefte med prosess og produkt
- Lag framside med namnet ditt, tittelen "vignettar" og eitt eller fleire bilete frå produksjonen din.
- Oppgåva skal vise idéfasen, prosessen, produkt og refleksjon.
- Legg ved skisser og skjermbilete frå arbeidet.
- Beskriv framgangsmåten din i idéutviklinga og arbeidet ditt i programvara.
- Nemn verktøya du har brukt, og korleis du har brukt dei. Grunngi vala dine.
- Legg ved vignettane som filer eller lever dei via lenker som du legg inn i dokumentet.
Vurderingskriterium
I vurderinga av denne oppgåva vil lærar sjå på i kva grad du:
- beskriv idéfasen og bruker varierte idéteknikkar
- har programvarekunnskap og kan beskrive sentrale verktøy du bruker
- dokumenterer prosessen med bilete og tekst
- utforskar og utviklar kompetansen din innan design og animasjon og bruker relevante faguttrykk når du beskriv arbeidet
- reflekterer over vala du tek, og erfaringane du gjer deg
Relatert innhald
CC BY-SASkrive av Stina Åshildsdatter Grolid.
Sist fagleg oppdatert 29.09.2020