Verktøy og mal

Introduksjon til Animate

Gi liv til eigne teikningar og logoar, lag infografikk, reklamesnuttar, TV-seriar, interaktive spel og reklamebanner med animasjonsprogrammet Animate.

Animasjonen Platons holelikning er laga i Animate. Video: Siren Halvorsen, Siren Halvorsen, Karl Henrik Aanesen og Eivind Zakariassen, Haakon Strøm / CC BY-SA 4.0

Før du lagar komplekse animasjonsfilmar, gjer deg kjend med korleis animasjonsprogrammet fungerer.

Øving: Lag ein sprettande ball

I arbeidet med å lage ein sprettande ball får du brukt dei mest sentrale funksjonane i animasjonsprogrammet.

Start prosjektet med å lage ein ny scene

Først opprettar du ein ny scene, File > New > Standard size, og lagrar ho med namnet "sprettande ball".

Skriv inn 24 bilete i sekundet, som er standard innanfor animasjonsfilm.

Arbeidsvindauge i programmet Animate som viser at standard er vald med 640x480 og 24 bilete i sekundet. Skjermbilete. — Vel 24 bilete i sekundet når du jobbar i Animate. Bilete: Siren Halvorsen / Avgrensa bruksrett

Lag ball

Arbeidsvindauge i Animate. Til venstre er det ei verktøylinje med symbol som sirkel, hand og pensel. Til høgre er det ein blå runding på kvit bakgrunn. Skjermbilete. — Vel Oval tool når du skal lage ein ball i Animate. Bilete: Siren Halvorsen / Avgrensa bruksrett

Bruk den vertikale verktøykassen og vel Oval tool. Lag ein sirkel (ball) og vel farge.

Marker heile sirkelen og gjer han om til eit symbol: Modify > Convert to symbol. Skriv inn "blå ball" eller liknande. Vel grafisk symbol og trykk ok.

Ball-symbolet ligg no i biblioteket. Det som er fordelen med å opprette symbol, er at du kan endre farge i etterkant. Fargen vil då endrast på alle ballane som ligg i scenen. Viss du derimot ikkje lagar symbol, må du inn og fargelegge kvar enkelt ball i scenen.

Teikn ei hjelpelinje

I denne illustrasjonen har eg teikna ei raud hjelpelinje. Ho blir brukt for å skape ein fin flyt når ballen treffer og sprett frå bakken.

Ei raud linje strekker seg i fire gradvis mindre bogar bortover mot høgre. Langs den raude bogelinja er det teikna ei rekke kvite rundingar. Illustrasjon. — Den raude streken er ei hjelpelinje. Bilete: Siren Halvorsen / CC BY-SA 4.0

Arbeidsvindauge i Animate med ei svart linje som går i bogar. Oppe til venstre på linja er det ein blå ball. Skjermbilete. — Bilete: Siren Halvorsen / Avgrensa bruksrett

Teikn hjelpelinja på eitt lag i tidslinja. Ballen skal plasserast i laget over. Laga kan dragast over og under andre lag når som helst.

Plasser ballen øvst til venstre, på byrjinga av hjelpelinja.

Arbeidsvindauge i Animate med ei hjelpelinje i bogar. Ein blå ball er teikna inn på eit punkt på den første bogen. Skjermbilete. — Bilete: Siren Halvorsen / Avgrensa bruksrett

Deretter opprettar du ei ny keyframe for kvar gong ballen blir flytta vidare langs hjelpelinja: Insert > Timeline > Keyframe.

Her kan du lage eigne snarvegar under innstillingar i Animate.

Squash-and-stretch-prinsippet

Arbeidsvindauge i Animate med verktøylinje til venstre og ein blå ball som blir pressa saman slik at han blir oval. Skjermbilete. — Bruk Free transform tool for å endre på fasongen til ballen. Bilete: Siren Halvorsen / CC BY-SA 4.0

Når du kjem til botnen av den første bogen, må du presse ballen slik at han ser mjuk ut. På same måten skal du strekke i ballen rett før og rett etter. Bruk Free transform tool for å få tak i hjørna.

Dette er eit animasjonsprinsipp som blir kalla for Squash and stretch. Det blir brukt for å gjere det tydeleg at noko er mjukt og bevegeleg. Ein ball vil ikkje oppføre seg slik i verkelegheita, men i animasjon blir det overdrive ein del for å få fram fine rørsler. Stofflegheita i ballen blir veldig tydeleg og overtydande.

Arbeidsvindauge i Animate som viser ein blå runding på ei svart linje til venstre. Lenger ned på linja er det ein blå, ståande oval og nedst ein blå, liggande oval. På ei svart linje som går opp til høgre, er det ein blå, ståande oval. Ei pil går frå ordet "stretch" til dei to ståande ovalane, og ei pil går frå ordet "squash" til den liggande ovalen. Skjermbilete. — Squash-and-stretch-prinsippet handlar om å understreke vekt og fleksibilitet. Bilete: Siren Halvorsen / Avgrensa bruksrett

Bruk mellomrom

Eit anna viktig moment å hugse på er mellomrom. Når noko beveger seg sakte, bruker du mindre mellomrom mellom rørslene, og større mellomrom når noko går raskare. Viss du ikkje tek omsyn til dette, vil alt gå i det same tempoet og animasjonen blir mindre levande.

I dette tilfellet må du legge inn større mellomrom idet ballen går nedover. Sjå på denne illustrasjonen:

Fire bogar av blå rundingar. På bogetoppane er det liten avstand mellom rundingane, mens avstanden er større mellom toppen og botnen av bogane. I botnen endrar rundingane seg til ovale former. Illustrasjon. — Bruk mellomrom for å seie noko om fart i animasjon. Bilete: Siren Halvorsen / CC BY-SA 4.0

Animert blå ball som sprett frå venstre mot høgre i stadig mindre bogar. Animasjon. — Animert ball. Bilete: Siren Halvorsen / CC BY-SA 4.0

Legg inn tom keyframe

Når du har komme til siste ballen, og han er på veg ut av scenen, må du legge inn ei tom keyframe: Insert > Timeline > Empty keyframe.

Viss du ikkje gjer dette, vil ballen henge igjen på slutten av animasjonen.

Bilete av tidslinje i Animate. Langs linja ligg ei rekke grå rektangel med ein svart runding i; dette er keyframe-er. Til slutt på linja er det eit mørkare rektangel med ein kvit runding, og dette er ei tom keyframe. Skjermbilete. — Husk å legge inn ei tom keyframe til slutt. Bilete: Siren Halvorsen / Avgrensa bruksrett

Gjer hjelpelinja usynleg med guidelag

Detalj frå tidslinje i Animate. Øvst er det symbol som kamera, søppelbøtte og mappe. Nedanfor er det to linjer med ulike lag. På den øvste linja står det "ball" ved eit ark-ikon, og på den nedste linja står det "hjelpelinje" ved eit hammar-ikon. Skjermbilete. — Lag eit guidelag av hjelpelinja. Bilete: Siren Halvorsen / Avgrensa bruksrett

Laget som hjelpelinja ligg i, kan du gjere usynleg når filmen blir eksportert.

Gjer det om til eit guidelag ved å høgreklikke på laget. Vel Guide layer, og det vil dukke opp eit ikon på laget som ser slik ut:

Lag nye lag viss du skal utvide animasjonen

No kan du opprette nye lag og teikne inn eigen bakgrunn eller hente inn bilete. Kanskje du vil lage fleire sprettande ballar på scenen? I så tilfelle må du opprette nye lag og gi dei namn. På den måten vil du ha ei oversiktleg fil som er lett å navigere seg rundt i.

Gjer deg kjend med snarvegane

Eg har ikkje vist snarvegar ettersom dei vil variere frå maskin til maskin. Du kan sjekke kva snarvegar du har i innstillingane dine, ved å gå til Animate > Keyboard shortcut. Her ligg det sikkert allereie nokre, eller du kan opprette eigne. Det vanlegaste er å opprette snarvegar for Insert keyframe, Frame og Empty keyframe. Det er lurt å lage snarvegar for Remove keyframe og Remove frame i tillegg, då dette også er funksjonar som du vil bruke ofte.