Øving
Diskuter droneklipp
Bilete og videoopptak frå drone har det særlege ved seg at dei blir tekne frå lufta. Sjå på ulike eksempel, og diskuter korleis droneklipp kan brukast i ulike samanhengar.
Korleis kan du bruke droneklipp som verkemiddel i videoproduksjonar? I kva for samanheng tenkjer du deg for eksempel at dette klippet kunne vore brukt? Video: Kolbjørn Larssen / CC BY-SA 4.0
Her har ein valt ein klar start og slutt på klippet. Kamera blir løfta opp langs husveggen for å skape spenning. Når dronen passerer toppen på bygget, blir kamera tilta ned, og dronen stoppar.
- Bruk ulike søkjeord på norsk og engelsk som har å gjere med fly, luftig, videoklipp, drone, og så vidare.
- Sjå gjennom videoklipp frå minst fire ulike kjelder.
- Sjå gjennom minst 5 videoklipp
- Plasser dei 5 klippa i rekkjefølgje frå best til dårlegast.
Arbeidet kan gjerast individuelt eller i grupper.
- Skriv ei grunngjeving for kvifor og korleis klipp 1 og 2 er betre enn klipp 4 og 5.
- Diskuter korleis videoklipp filma med drone kan brukast som verkemiddel i videoproduksjonar. Når de gjer det, bruk omgrep som beskriv ulike utsnitt, kamerarørsler og kamerakøyringar:
- tilt
- panorering
- zoom
- kamerakøyring framover
- kamerakøyring bakover
- oversiktbilete/landskap
- Beskriv til slutt tre eksempel på korleis de meiner droneklipp kan brukast. Gi eitt eksempel innan journalistikk, eitt eksempel innan marknadsføring og eitt innan underhaldning.