Hopp til innhald
Oppgåve

Etisk vurdering av podkastar og videobloggar

I mediekommentaren "Tusvik & Tønne ramlar mest" spør Sven Egil Omdal kvifor det ikkje blir stilt strengare etiske krav til podkastarar og bloggarar. Er det til dømes greitt at podkasten Tusvik & Tønne bruker krisene til andre for å framkalle latter og kjensler hos lyttarane sine?
Foto av to kvinner som klamrar seg til kvarandre og skjer grimasar.
Komikarane Sigrid Bonde Tusvik og Lisa Tønne står bak den populære podkasten Tusvik & Tønne. Bilete: Mattis Sandblad / CC BY-NC 4.0

Forarbeid

Les mediekommentaren "Tusvik & Tønne ramler mest" av Sven Egil Omdal. Noter viktige moment til ein diskusjon om medieetikk.

Utforsk og vurder etikken i ein videoblogg og ein podkast

Jobb saman i små grupper.

  • Lag ei liste over videobloggar og podkastar som de trur mange jamaldra lyttar til.

  • Vel éin videoblogg og éin podkast som de vil utforske nøyare, og set dykk inn i form og innhald.

  • Jobb ein periode kvar for dykk med å formulere ei etisk problemstilling som kan knytast til kvart av dei to medieuttrykka.

  • Gruppedeltakarane presenterer så problemstillingane sine for resten av gruppa etter tur.

  • Diskuter problemstillingane ut frå det de veit om medieetikk. Pass på at alle i gruppa kjem til orde.

Etterarbeid

Skriv ein individuell refleksjonsrapport om utbyttet av gruppearbeidet. I rapporten skal du òg gjere greie for kva for nokre etiske krav du sjølv meiner bør stillast til podkastar og videobloggar.