Hopp til innhald
Oppgåve

Marilyn som intertekstuelt ikon

Betydninga av kunst og medietekstar blir utvida når dei låner uttrykk og innhald frå andre tekstar. Det same skjer når dei opptrer i samspel med kulturelle mytar. I denne oppgåva skal du utforske referansar til kulturelle mytar og bruke ein allusjon til ein slik myte i eigen tekstproduksjon.

Oppgåve 1

Mange omtaler Marilyn Monroe som eit ikon for vår tid. Kva blir meint med det?

Oppgåve 2

Søk etter bilete og videoar med søkjeordet "Marilyn Monroe".

Lag ein digital presentasjon der du viser korleis ulike kunst- og medieuttrykk refererer til ikoniske førestillingar om Marilyn Monroe.

Presentasjonen skal innehalde døme på ulike uttrykksformer:

  1. ein skulptur

  2. eit måleri

  3. eit grafisk kunstbilete

  4. ein graffiti eller eit veggmåleri

  5. eit artist- eller bandnamn / eit artist-image

  6. ein spelefilm

  7. ein revy

  8. ein musikkvideo

  9. ein vekebladreportasje

  10. ei melding


I presentasjonen skal du reflektere over kvifor Marilyn Monroe har blitt ein ikonisk figur, og kva betydning ho som ikon tilfører dei kunstuttrykka og medietekstane du har funne fram til.

Oppgåve 3

Lag ei medieforteljing som inneheld éin eller fleire allusjonar til ein annan kjend skikkelse som har blitt eit kulturelt ikon i vår tid. Du vel sjølv sjanger, form og innhald.