Fagartikkel
Fagsamtalar i prosjekt
Undervegs i eit prosjekt er det nyttig å få rettleiing i ein fagsamtale. Å forklare prosessen for andre kan hjelpe deg til å sjå kva du bør jobbe vidare med. Gode råd frå lærar og medelevar kan bidra til nye løysingar. Fagsamtalar kan òg brukast til eigenvurdering og refleksjon rundt eiga læring.
Bilete: Kentaroo Tryman / CC BY-NC 4.0
Det er lurt å førebu seg før ein fagsamtale. Ta med deg skisser, planar, arbeidsteikningar og foto, slik at du kan visualisere ideen og arbeidsprosessen din. Øv deg på å bruke fagord når du beskriv prosjektet ditt.
Idéutvikling
- Korleis fungerte idéfasen? Beskriv kva som fungerte bra, og forklar kvifor dersom det var noko som ikkje fungerte.
- Ville du ha gjort noko annleis? Forklar kvifor / kvifor ikkje.
- Kvifor valde du den ideen du gjekk vidare med?
Planlegging og utprøving
- Korleis fungerte førearbeidet og utprøvingane? Beskriv kva som fungerte bra, og forklar kvifor dersom det var noko som ikkje fungerte.
- Ville du ha gjort noko annleis? Forklar kvifor / kvifor ikkje.
Gjennomføring
- Korleis fungerte arbeidet med ideen din? Beskriv kva som fungerte bra, og forklar kvifor dersom det var noko som ikkje fungerte.
- Ville du ha gjort noko annleis? Forklar kvifor / kvifor ikkje.
- Har du andre kommentarar til arbeidet ditt og innsatsen din?
Eigenvurdering
- Kva synest du om produktet ditt?
- Ville du ha gjort noko annleis dersom du skulle løyst oppgåva på nytt?
Refleksjon over eiga læring
- Kva har du lært gjennom prosjektet?
- Kva bør du jobbe vidare med?
Orsak, ein feil oppstod ved lasting av H5P. Prøv å laste inn sida på nytt.
Relatert innhald
Oppgåver og aktivitetar
Rettlei kvarandre undervegs i prosessenIblant bør ein oppsummere kor langt ein har komme, før ein planlegg vidare arbeid med eit prosjekt. Øv dykk på å presentere prosjekt for kvarandre.