I denne kortfilmen blir ei heilt ny oppfinning introdusert . The Manchador snur opp ned på problemstillingar knytte til kjønn og påbodne klesplagg. Regi er ved den norsk-iranske filmskaparen Kaveh Tehrani.
Del 1 – Sjå dei to første minutta
Sjå dei to første minutta av kortfilmen (00.00-02.10).
- Kvifor har mannen bind for auga, trur du? Skriv ned tre moglege forklaringar. Del forklaringane i klassen.
- Kva får vi vite om personane vi møter?
Del 2 – Oppgåver til filmen
Sjå resten av kortfilmen og gjer oppgåvene under.
- Beskriv oppfinninga til Saeed. Kva utfordring er det han meiner han skal løyse?
- Stemde nokon av forklaringane dykkar på kvifor Saeed har bind for auga?
- Korleis blir Saeeds oppfinning tatt i mot, og kva konsekvensar får ho? Gi døme.
- Forklar slutten på filmen. Kva er det Saeed har komme fram til?
- Filmen handlar mellom anna om problemstillingar knytte til klesplagg og kjønnsroller. Kva er det filmskaparen ønskjer å formidle med denne filmen, trur du? Grunngi svaret ditt.
Del 3 – Gå i djupna
Bruk oppgåvene til å gå i djupna på temaet av filmen.
- "ManChador is protection, not limitation" ("Augebind er vern, ikkje begrensing") står det på skiltet på kontoret til Saeeds firma. Drøft denne påstanden med utgangspunkt i teori om etnosentrisme og kulturrelativisme. Kom med saklege argument og døme, og hugs på å vere medviten din eigen kulturelle ståstad i drøftinga. Presenter funna dine til medelevar.
- Bruk relevant teori, eigne erfaringar og inspirasjon frå filmen til å utarbeide ein presentasjon om klede som kulturuttrykk. Lag ei problemstilling, hent inn informasjon og døme, og presenter funna dine til medelevar.
Relatert innhald
CC BY-SASkrive av Ingeborg Hagen, Caroline Nesbø Baker og Tina Andersson.
Sist fagleg oppdatert 23.10.2020