Korleis kan vi samanlikne kulturelle fenomen?

Når vi studerer kulturelle fenomen, er det interessant å sjå på fenomen som i utgangspunktet er like, men som har ulik kulturell tyding.

• Kva døme på dette gir antropologane i filmen?

• Kva for nokre ulike kulturelle tydingar kan ei folkedrakt ha?

Samtidig kan det vere interessant å undersøkje fenomen som i utgangspunktet er ulike, men som likevel har nokre fellestrekk.

• Kva har fotball og religion til felles, ifølgje antropologane i filmen?

• Kan du kome på andre ulike kulturelle fenomen som har likskapstrekk?

• Korleis blir omgrepet etnosentrisme forklart i filmen?

• Kva er metodisk kulturrelativisme?

• Diskuter dette sitatet frå filmen – kva betyr det, og korleis kan de få dette til?
  
  Vi må kvitte oss med vår eiga kulturelle forståing av verda for å oppnå ei så truverdig forståing av ei anna kulturell verd som mogleg.

• Antropologane kjem med fleire tips og refleksjonar, som i sitatet over, om kva du bør tenkje på når du skal utforske og samanlikne kulturelle fenomen. Oppsummer desse tipsa og del det de har kome fram til klassen.

Prøv ut det de har lært, ved å sitje i par og samanlikne korleis de markerer fødselsdagar, eit kulturelt fenomen som på overflata kan tenkjast å vere likt, men som kan ha svært ulik viktigheit i ulike familiar. Det er òg fleire som ikkje markerer fødselsdagar, då er dette òg interessant å sjå på.

• Kan de forklare forskjellar og likskapar mellom korleis de markerer fødselsdagar?

• Kor vanskeleg er det å kvitte seg med eiga forståing av fødselsdagar, når de vurderer måtane til andre å markere dette på?

• Kva trur de skal til for å forstå fødselsdags-tradisjonane kvarandre frå eit innanfråperspektiv?