Oppgave

22. juli og tankegodset bak

Bruk kunnskap om argumentasjon og meiningsbryting til å utforske tankegodset bak 22. juli-angrepet.

Idéane bak 22. juli-angrepet

Diskuter i klassen: Kva veit de frå før om tankegodset bak angrepet mot AUF sin sommarleir på Utøya og regjeringskvartalet den 22. juli 2011?
Les om synspunkta som terroristen grunngav angrepet med i desse lenkjene frå 22. juli-senteret. Del klassen i fire og fordel artiklane mellom dykk.

Lag ei felles oversikt over synspunkta de finn i artiklane, til dømes på tavla. Var det noko de ikkje visste frå før eller noko som overraska dykk?
Gå saman i grupper eller par og diskuter: Kva er premissa eller røyndomsforståinga som ligg bak desse synspunkta? Du kan lese om standpunkt, premiss og argument i den relaterte fagartikkelen.
Trur de det er mange som deler dette synet på røyndomen i Noreg i dag? Korleis kan ein få til ein god diskusjon om tema som innvandring eller likestilling med nokon som deler denne forståinga av røyndomen?
Del det de har kome fram til i klassen, og diskuter bidraget i dei ulike gruppene.

Fagstoff

I ein kvardag der du møter eit mylder av meiningar, kan det vere lurt å stoppe opp og sjå nærare på korleis meiningsytringar er bygde opp.