Del 1. Statistikk
Gå inn på Kreftregisteret sine temasider om kreft og gjer dykk kjende med siste års kreftstatistikk for Noreg.
Kor mange nye krefttilfelle var det?
Korleis var fordelinga mellom kjønna?
Kva var talet på dødsfall av kreft siste år?
Dei vanlegaste kreftformene:
Kva kreftform var vanlegast for menn?
Kva kreftform var vanlegast for kvinner?
Kva kreftform var vanlegast samla sett?
Kva kreftformer hadde høgast dødelegheit, og kor mange dødsfall var det?
Kva kreftformer hadde høgast tal på overlevarar, og kor mange overlevde?
Del 2. Ulike former for kreft
Vel dykk ei av kreftformene som ikkje er blant dei vanlegaste, og lag ein digital presentasjon som de viser i klassen. I presentasjonen skal de fortelje om
sjukdomslære og symptom
førekomst
aldersgrupper som oftast blir ramma
årsaker, risikofaktorar og komplikasjonar
undersøking og diagnose
behandling og prognose
sjukepleietiltak
seinkomplikasjonar etter kreftsjukdommen og kreftbehandlinga
Del 3. Diskusjon og refleksjon
Bruk nokre minutt til individuell refleksjon. Kvar enkelt noterer stikkord før de diskuterer kvar av problemstillingane i grupper og deretter i klassen.
For mange kreftformer, og andre livsstilssjukdommar, er kosthald og livsstil blant risikofaktorane som vi har moglegheit til å påverke. Kva er årsaka til at mange likevel har eit usunt kosthald, trenar for lite og blir stadig meir overvektige?
Sidan røykelova og forskrifta om merking av tobakksvarer vart innført i 2004, har det vore ein stor nedgang i talet på personar som røyker dagleg, frå 30 prosent i 2001 til 8 prosent i 2021. Både helsestyresmaktene og Kreftforeningen ønsker no helseåtvaringar på etikettar og emballasje for alkohol. Korleis trur de dette vil påverke ungdommars haldningar og alkoholvanar?
Kjelde
Statistisk sentralbyrå. (2022, 18. januar). Røyk, alkohol og andre rusmidler. https://www.ssb.no/helse/helseforhold-og-levevaner/statistikk/royk-alkohol-og-andre-rusmidler