Oppgåve
Dei fleste ulykker skjer i heimen
Dei fleste ulykker skjer i heimen. Denne oppgåva går ut på at du skal avdekkje moglege uønskte hendingar i din eigen heim.
Bilete: Christian Aasebø / CC BY-NC-SA 4.0
For å vurdere risiko er det nødvendig å avdekkje uønskte hendingar.
Ta utgangspunkt i heimen din (alternativt kan du velje praksisplassen eller arbeidsplassen din).
- Gjer greie for ti moglege uønskte hendingar.
- Gjer greie for moglege årsaker til hendingane.
- Gjer greie for moglege konsekvensar av hendingane.
- Kva sikringstiltak kan du eller familien din gjere for å minske risikoen for dei uønskte hendingane? (Husk: risiko = sannsyn * konsekvens)